Zer egiten dugu
Gure bazkide-sarea da EmakumeEkin elkartearen eragile.
Ekintzailetzarekin zerikusia duten topaketak eta jardunaldiak antolatzen ditugu eta horietan parte hartzen dugu, lagun egiteko saioak egiten ditugu, eta laguntza-programak diseinatu eta dinamizatzen ditugu emakume ekintzaileentzat.
Entitate eta erakunde publikoekin elkarlanean ari gara, baita gure balio berberak dituzten elkarteekin ere. Zubiak eraikitzen ditugu genero-eragin positiboa duten proiektuak sortu eta zabaltzen laguntzeko. Gure lantokiak kalitatez, berotasunez eta gozamenez beteta egon daitezen saiatzen gara.
Emakumeeting topaketa irekiak
Hilero, 10aren inguruan, topaketa bat antolatzen dugu aldez aurretik elkartekideok erabakitako gai interesgarriak jorratzeko. Emakumeeting izena jarri diegu topaketa horiei, eta, ordu eta erdiz, parte-hartzaileon ahalduntze indibiduala eta kolektiboa bultzatzen duten ikaskuntzak partekatzen ditugu. 2022. urteaz geroztik, topaketan parte hartu nahi duten emakume ekintzaileei zabalik daude, eta saio presentzialak eta online saioak txandakatzen ditugu.
Emakume ekintzaileei laguntzeko programak
Emakumeok lideratutako ekintzailetzari buruz elkartean antzemandako beharrei erantzuteko programak diseinatu eta dinamizatzen ditugu: ANDREkintzailea, Izaten, INNPower, Neskworking Progress… Eta askoz gehiago. Betekizunak betetzen dituzten emakume ekintzaileek eskura ditzakete.
Emakume ekintzaileentzako topaketak eta jardunaldiak
Prestakuntza-tailerrak eta ikastaroak antolatzen ditugu ekintzaile izateko gaitasunak indartzeko, beste profesional batzuen testigantzak eta esperientziak ezagutzeko, eta gure enpresak sendotzen laguntzeko ekintzailetzarako tokiak sortzeko.
Hizlari, moderatzaile eta erreferentzia gisa parte hartzen dugu emakumeon ekintzailetzarekin eta lidergoarekin loturiko jardunaldietan eta mahai-inguruetan. Horietan, askotariko arrakasta-ereduak eraikitzeko beharra mahaigaineratzen dugu, eta enpresa egiteko betiko moduaren gainean ikuspegi kritikoa izateko beharraz hausnartzen dugu.
Emakume ekintzaileentzako aholkularitza
Diseinatzen ditugun programetan aholkularitza eskaintzen dugu, banaka nahiz taldeka. Laguntza-saio horiek inguru profesional eta adiskidetsuan egiten dira, elkar ezagutzeko eta estrategia nahiz negozio-ereduak jorratzeko eta kezkak zein lorpenak partekatzeko.
Gure sareko partaide izan nahi al duzu?