Santurtziko emakume ekintzaileak izeneko programa
Emakume ekintzaileen artean ezagutza sustatzeko eta enpresa-lankidetzak garatzeko sare bat sortzea da Santurtziko emakume ekintzaileak programaren helburua .
Bizkaiko emakume ekintzaileak edo enpresariak dira programa horren jasotzaileak.
EmakumeEkin elkarteak lideratzen du Santurtziko emakume ekintzaileak programa, Santurtziko Udaleko Ekonomia Sustatzeko Arloaren laguntzarekin.
Programaren helburuak
Santurtziko emakume ekintzaileak programaren helburuak hauek dira: laguntzarako eta lankidetzarako sareak sortzea; ezagutza sustatzea; aukerak, kezkak eta erronkak partekatzea; beste emakume ekintzaile batzuen lana agerian jartzea eta genero-rolek ekintzailetzan duten eragina ezagutzera ematea.
Programan zehar, tailer erdi praktikoak egiten dira, negozioak hobetu eta bideratzen laguntzeko, eta networking topaketak antolatzen dira, emakume ekintzaileen enpresa arteko lankidetza sustatzeko.
Hiru emakume ekintzailek, enpresa-bizitzaren fase desberdinetan daudenek, beren esperientziak kontatu zizkiguten, zinez eta minez, eta eguneroko errealitateaz ari ziren. Aurkezpenak egin ondoren, 5 laguneko taldeetan ari izan ginen ekintzailetzarekin loturiko gaiez.
Santurtziko emakume ekintzaileak programaren ibilbidea
2017ko ibilbideak alde hauek izan zituen:
Prestakuntza-ekintzak
Ahalduntzeko eta motibatzeko tresnak, prestakuntza merkataritza-kudeaketan, ahalduntze digitalean eta enpresari aplikatutako sormenean.
Networking jardunaldia
Emakume Ekintzaileen Nazioarteko Eguna, azaroaren 19a, zela eta.
Otorduak
Txoko tematikoak, sarea sortzea, emakume ekintzaileok partekatzen ditugun alderdiak nabarmentzea eta ekintzailetzan genero-rolek duten eragina agerian jartzea helburu dutenak.
Argazki-galeria
