Aurten ere, EmakumeEkinen, Emakunderen laguntza eta dirulaguntzarekin, 11 Kafe edizio berri bat antolatu dugu. Azaroaren 19a, Emakume Ekintzaileen Nazioarteko Eguna, gurekin ospatu nahi duten emakume ekintzaile guztiei irekitako hitzordua.
Azaroaren 20an, astelehena, elkartuko gara, 11: 00etan, hiru hiriburuetan aldi berean, eta gosari baten inguruan hitz egingo dugu.
Hauek dira deialdiaren lekuak:
- Bilbao: La Sinsorga. Askao Kalea, 9, 48005 Bilbo
- Donostia: Kafe Botanika. Paseo Árbol de Gernika, 8 20006 Donostia
- Vitoria-Gasteiz: The Tap. Manuel Iradier Kalea, 7, 01005 Gasteiz
Aurten, elkarrizketa eta aldarrikapenaren ardatza soldata-arrailaren ingurukoa izango da. Gai errepikakorra da, eta oraindik ere eskatzen diogu administrazioari euskal emakume ekintzaileen errealitate ekonomikoa ezagutzeko eta ekiten duten gizonekiko konparazioa zein den jakiteko.
Gainera, deialdi honetara beste bi erakunde gehitu dira: Impact Hub Donostia eta Somos mujeres y empresarias, elkarlanean eta sareak sortzen jarraitzeko helburuarekin.
Izena emateko epea zabalik dago. Emakume ekintzailea bazara eta zure kabuz lan egiten baduzu, 2023ko Emakume Ekintzaileen Nazioarteko Egunean gurekin kafe batekin ospatzera animatzen zaitugu.
