Diseinatu berriro zure negozioa, berrerabili zure trebetasunak.
INNPower ekimenaren seigarren edizioak Milanora eramango gaitu. Aurreko edizioetan Auckland, Helsinki, Amsterdam eta Dublinera bidaiatu genuen. Bizkaitik irten gabe.
Inspirazio- eta hausnarketa-bidaia horietan, hiri horietako emakume erreferenteak ezagutzeko aukera izan dugu, beren esperientzia gurekin partekatu dutenak eta gure negozioen estrategia barnera begiratzen eta bideratzen lagundu digutenak.
Elkarrekin ikasi dugu eta, ibilaldiaren zentzua alderantzikatu dugun bidaia horren bidez, gure negozioak nola gidatu nahi ditugun sakondu dugu. Saio horietako lan-metodologia talde-dinamiketan oinarritzen da, eta dinamika horietan partekatzen, laguntzen eta sustatzen dugu enpatia.
Milanoko edizioaren leitmotiv-a negozioen birdiseinua da, eta nola erabili trebetasunak merkatuaren etengabeko aldaketara egokitzeko.
Gai honek enpresa- eta lanbide-esparrura egokitzeko eta berritzeko ideia barne hartzen du. Funtsean, negozio baten egitura eta estrategia berrikustearen eta doitzearen garrantzia iradokitzen du, ingurune aldakor batean garrantzitsu mantentzeko. Aldi berean, dauden trebetasunak modu berrietan baliatzeko eta aplikatzeko gaitasuna nabarmentzen du, malgutasuna eta berrikuntza sustatuz.
Milano artearen, diseinuaren eta modaren hiri erreferentea da, eta, gainera, hiri industrializatua, polifazetikoa eta kosmopolita da, berrikuntzarako, birmoldaketarako eta erresilientziarako gaitasun handia erakusten duena, mundu mailan erreferente gisa mantentzen dutena. Horregatik aukeratu dugu.
EKAINAREN 10EAN ETA 11N HITZORDU BAT DUZU - INNPOWER Milano BIZKAIA
- Tokia: BAT. B Accelerator Tower – Gran Vía Don Diego López Haro, 1. Bilbo
- Ordua: 10:00 - 15:00
- Bizkaiko emakume ekintzaile eta enpresaburuentzat.
EmakumeEkin-en programa honek Bizkaiko Foru Aldundiko Ekonomia Sustatzeko Sailaren laguntza jasotzen du.
Plaza oso mugatuak. 20-25 parte-hartzaile baino ez dira izango. Inplikazioa eta denbora eta esfortzu inbertsioa behar dira. Trukean inspirazioa eta lotura berriak lortuko dituzu.
INNPOWER MILANOKO HIZLARIAK ETA GAIAK
Francesca Gammicchia
Talento Umano-ren sortzailea. Coach enpresariala eta giza baliabideetarako berrikuntzaren kudeatzailea. Italiako enpresa txikiei eraldatzen eta hazten laguntzen die.
"Negozio erresiliente baterako tresna erresilienteak" tailerrean zure pentsamolde ekintzailerako eta zure negozioa berriz diseinatzeko baliagarriak diren coaching enpresarialeko tresna garrantzitsuak aztertuko ditugu.
Oera kognitiboak, problemak estrategikoki ebaztea eta gelditzen jakiteko artea dira tailer honen esperientzia-zatiaren giltzarriak.
Letizia Olivari
Kazetaria, L 'Ippocastano komunikazio eta harreman publikoetako agentziaren sortzaileetako bat. Enpresa-komunitateen sortzailea eta kudeatzailea. AIDDA emakume ekintzaileen elkarteko kidea da, eta emakumeen ahalduntzea aktiboki sustatzen du.
Bere hitzaldiaren izenburua "Loturak sortzea: Bezeroarengan zentratzeko artea" izango da. Gaur egun funtsezkoa da bezeroaren esperientzia, eta bezeroarenganako orientazioaren printzipioak edozein enpresari aplika dakizkioke, haren eskala edozein dela ere.
Saio horretan bezeroekin harreman esanguratsuak lantzeko estrategia eta teknika praktikoak aztertuko ditugu. Bezeroen esperientziak, kontaktu-puntu erabakigarrienak eta guztion eskura dauden tresnak nola eratzen diren sakonduko dugu.
Elisabetta Carosio
Antzerki-zuzendaria eta eszenografoa. "Compagnia Lumen. Progetti, arti, teatro" konpainia sortu zuen 2014an, eta proiektu ugari egin ditu, hala nola ikuskizunak, emanaldiak eta jaialdiak, zuzendari artistiko gisa. Antzerkiko hezitzaile eta irakasle ere bada hainbat testuingurutan.
"Ezezagunarekin jolasten" da bere antzerki-tailerraren izenburua, eta emakumezko ekintzaileentzako oreka-entrenamendu labur gisa proposatzen digu. Ariketa errazak eta rol-jokoak erabiliko ditugu aurreikusi ezin dugunari aurre egitean ditugun beldurrak eta emozioak aztertzeko. Gure jarrera fisikoa eta mentala aztertuko dugu, zeregin errazei aurre eginez: beste pertsona batzuekiko loturak sortzeko eta haiengan konfiantza izateko dugun modu espezifikoa ezagutuko dugu. Talde-esperientzia bat izango da, baina baita bakarkako bidaia bat ere, burua eta gorputza energizatzeko.
INNPOWER MILANO PROGRAMAZIOA
Ekainak 10: Milano-Bizkaia bidaia.
- 10:00-10:30 | Inaugurazioa Isabel Sarrionandiarekin, Enpresa Sustapeneko zerbitzuburuarekin.
- 10:30-11:35 | Letizia Olivari.
- 11:35-12:40 | Francesca Gammicchia.
- 12:40-13:10 | Brunch networking.
- 13:10-14:15 | Elisabetta Carosio.
- 14:15-14:30 | Itxiera EmakumeEkin-en eskutik.
* Hitzaldiak ingelesez.
Ekainak 11: Tailerra Miren Lauzirikarekin.
- 10:00-12:00 | Tailerraren 1. zatia.
- 12:00-12:30 | Kaferako etenaldia.
- 12:30-14:00 | Tailerraren 2. zatia.
- 14:00-14:30 | BFAko Enpresa Sustapenerako Zerbitzuko Itziar Zubizarreta Hormaecheren ondorioak eta amaiera.
